Newydd Cyffrous: Etholwyd Peter Hamilton yn Gadeirydd Agoriadol Grŵp Rhwydwaith Cymru

Rydym yn falch o gyhoeddi mai Peter Hamilton, Cadeirydd presennol Age Cymru Dyfed, sydd wedi’i ethol yn Gadeirydd cyntaf Grŵp Rhwydwaith Cymru sydd newydd ei ffurfio. Mae hyn yn nodi carreg filltir gyffrous, nid yn unig i Peter, ond i ddyfodol cymorth cydweithredol i bobl hŷn ledled Cymru.

Mae Grŵp Rhwydwaith Cymru yn gam mentrus a blaengar tuag at ail-lunio sut mae sefydliadau yng Nghymru - yn lleol ac yn genedlaethol- yn cydweithio er mwyn cefnogi pobl hŷn. Mae’r Grŵp wedi’i sefydlu i helpu i ddatblygu a chyflawni strategaeth ar y cyd, yn unol â Strategaeth ar y Cyd Age UK, ac yn sicrhau bod Cymru’n parhau i fod yn gysylltiedig â nodau a mentrau cenedlaethol ehangach.

Er y bydd y Grŵp yn chwarae rhan strategol allweddol, mae'n bwysig nodi nad oes ganddo awdurdod llywodraethu dros fyrddau ymddiriedolwyr ei aelod sefydliadau. Yn hytrach, ei gryfder yw cydweithredu - dwyn ynghyd profiadau, mewnwelediadau, ac egni o bob rhan o’r wlad i wella canlyniadau i bobl hŷn.

Cadarnhawyd penodiad Peter yng nghyfarfod cyntaf y Grŵp, ac ni allem fod yn fwy bodlon o’i weld yn ymgymryd â’r rôl hanfodol hon. Mae ei brofiad helaeth—fel cyn ymddiriedolwr Age Cymru ac Age Cymru Sir Gâr, a bellach yn Gadeirydd Age Cymru Dyfed - yn ei roi mewn safle perffaith i arwain y fenter newydd hon.

Rhannodd ein Prif Swyddog Gweithredol Simon Wright ei farn ar benodiad Peter:

“Fel Prif Swyddog Gweithredol Age Cymru Dyfed, rwy’n falch iawn bod ein Cadeirydd Ymddiriedolwyr, Peter Hamilton, wedi’i ethol yn gadeirydd cyntaf Grŵp Rhwydwaith Cymru. Bydd profiad Peter o fod yn ymddiriedolwr Age Cymru, Age Cymru Sir Gâr a bellach yn gadeirydd Age Cymru Dyfed yn amhrisiadwy i’r Grŵp wrth iddo geisio gweithio ar y cyd i ddarparu cymorth i bobl hŷn ledled Cymru.”

Edrychwn ymlaen at y newid cadarnhaol y bydd y grŵp hwn yn helpu i’w ysgogi, ac rydym yn falch y bydd Peter yn arwain y ffordd.